Las API son d'aisinas que vos permeton d'integrar la resulta d'un programa tèrç dins vòstre còdi pròpri, sens aver forçadament accès a l'otís o a las ressorsas que vos permeton d'obténer aquela resulta. N'existisson mantuna ligadas a la lenga o la cultura occitana, que podètz utilizar per enriquesir vòstres desvolopaments.
Avèm ensajat de recensar aquí totas las API que son ligadas a l'occitan, mas se n'avèm doblidat, esitatz pas a nos o signalar amb lo boton de contacte en bas de pagina.
Lo Wikiccionari (diccionari occitan collaboratiu de la fondacion Wikimedia) pòt èstre interrogat pre recuperar d'informacions suls mots que conten.
L'API Overpass d'OpenStreetMap voos permet d'accedir a las donadas d'aquel projècte de mapa obèrta collaborativa. I trobam, entre autras causas, los noms occitans de mai d'un toponime.
L'API express'Òc del Congrès permet d'afichar d'expressions en occitan amb lor traduccion francesa a partir d'un mot-clau.
L'API sembla-mots del Congrès genèra de mots qui semblan occitans mas qu'existisson pas dins la lenga.
Lingua Libre, la mediatèca lingüistica participativa de Wikimedia France, a un endpoint SPARQL ont podètz requèstar d'enregistraments, que mantun milierat son en occitan.
L'API punt de lenga del Congrès permet de recercar d'articles sus la gramatica occitana a partir d'un mot-clau.
Aquela API permet de recercar d'imatges demest los 75 milions de la basa de mèdias collaborativa Wikimedia Commons. S'i pòdon trobar de fòtos de personalitats, d'eveniments, d'estructuras e d'elements de PCI occitans.
